Zbulohet trailer-i dhe data e lançimit të Death Stranding

Mos e shikoni trailer-in po e patët zemrën e dobët.

Death Stranding, loja e ardhshme nga mendja e çuditshme e krijuesit të Metal Gear Solid, Hideo Kojima, do të vijë në PlayStation 4 në 8 Nëntor të 2019s.

Në një trailer misterioz që tregon skena gameplay dhe të lë totalisht të shokuar në fund, siç mund të presim nga mendja e Hideo Kojima dhe Guillermo del Toro, Sony zbuloi lajmin se loja do të vijë më shpejtë nga ç’mund ta kishim menduar. Mund ta shikoni fenomenin 9-minutësh më poshtë.

Çfarë do të thotë kjo për lojërat e tjera të panjoftuara të Sony? The Last of Us 2 u planifikuar për lançim në 2019, por me shumë mundësi është shtyrë për shkurt të 2020s. Gjithashtu Ghost of Tsushima do të pasojë në muajt e ardhshëm, me PlayStation 5 që vjen nga vjeshta e vitit të ardhshëm.