Zbulohet skini sekret i Fortnite Chapter 2

Lojtarët e Fortnite Battle Royale kanë punuar fort me sfidat javore për të marrë në një pikë një skin sekret në fund të Chapter 2 Season 1. Duket se më në fund ky skin është bërë leak që të gjithë të mund ta shohin.

Loja e famshme battle royale ka patur disa opsione të ndryshme të skins që lojtarët mund të blinin në Fortnite Item Shop dhe disa prej tyre kanë qenë të disponueshme për tu marrë në sfidat javore, për lojtarët e Battle Pass-it.

Ata që blenë Battle Pass-in e këtij sezoni ju premtua një skin që nuk është parë kurrë më parë, nëse mblidhnin të gjitha gërmat e fshehura të fjalës ‘Fortnite‘. Tani, pak javë pasi sezoni filloi, duket se data miners më në fund kanë zbuluar se çfarë është.

Pra, pasi të keni mbledhur F, O, R, T, N, I, T dhe E në fund të sezonit, do të merrni skinin e mëposhtëm.

Disa prej lojtarëve mund të jenë të zhgënjyer që skini i ri nuk është më ekstravagant, por duhet ta pranojmë që xhaketën e ka të lezetshme. Lojtarët janë në javën e shtatë dhe momentalisht në kërkim të gërmës së dytë T. Të gjeturit të saj do ju afrojë një hap më shumë skinit të ‘Sorana’.