2K Games dhe Hangar 13 e kanë mbajtur fjalën, duke njoftuar Mafia: Trilogy. Kjo është një paketë që përfshin të gjitha lojërat e serive deri më tani, duke i lejuar lojtarët që të rijetojnë jetët e personazheve përgjatë tre periudhave të ndara të krimit të organizuar në Amerikë.
Mafia: Trilogy është tashmë e disponueshme në PS4, Xbox One dhe Steam dhe i lejon lojtarët që të shijojnë Mafia II: Definitive Edition dhe Mafia III: Definitive Edition. Përsa i përket këtyre dy lojërave, kemi të bëjmë me versionin e plotë të tyre me të gjitha update-et dhe DLC që janë publikuar, ndërsa në rastin e Mafia II kemi një remaster me grafika 4K.
Paketa gjithashtu përfshin Mafia: Definitive Edition, që është një remake i plotë i lojës. Ky remake ka një skenar të rinovuar me dialogje të reja më të pasura, histori më të detajuara të personazheve dhe skena shtesë. Kjo e fundit do i shtohet Mafia: Trilogy në 28 gusht.
Ja vlen të përmendim se të gjitha lojërat në këtë koleksion mund të blihen më vete. Në të njejtën kohë përdoruesit e Steam që tashmë e kanë Mafia II do e marrin Mafia II: Definitive Edition falas, ndërkohë që ata që kanë Mafia II në PS4, Xbox One dhe PC do marrin automatikisht upgrade-in në Mafia III: Definitive Edition. Nëse keni vetëm një pjesë të këtyre lojërave pastaj, do të merrni Mafia: Trilogy në një çmim të reduktuar.