Ky battle royale do të ketë 200 lojtarë
Ky battle royale do të ketë 200 lojtarë
Duket se ka shumë gjëra të fshehura brenda 118 GB të Call of Duty: Modern Warfare se ç’duket dhe një datamine i ri në lojën në PC ka treguar se Modern Warfare do të marrë një battle royale gjigand në të ardhmen.
Një postim në Reddit nga u/Senescallo, i cili ka zbuluar shumë harta të Call of Duty më parë, tregon se loja ka një hartë të fshehur, duke zbuluar disa vende kryesore si dhe mekanika të reja që pritet të vijnë në battle royale-n e Modern Warfare.
Sipas imazheve dhe informacionit të bërë leak, ky mode i ri po zhvillohet së bashku nga Infinity Ward dhe Raven dhe do të lançohet në fillim tjetër. Loja standarte do të ketë 200 lojtarë dhe do të zhvillohet në një hartë që sjell së bashku Spec Ops, Ground War dhe disa harta multiplayer.
Kjo i bën gjërat interesante menjëherë, duke iu dhënë mundësinë të kërceni në zonën tuaj të preferuar për të luftuar fillimisht, përpara se të kaloni te tjetra. Është gjithashtu një përdorim shumë i mirë i hartave ekzistuese të Modern Warfare, të cilat janë kryesisht hapësira të mbyllura me rrugë të përcaktuara.
Për më tepër, rregullat do të ndryshojnë. Në këtë battle royale do të ketë Gulag, i cili mesa duket është një lojë brenda lojës që të lejon të ringjallesh. Do të keni mundësi të merrni respawn tokens dhe t’i digjni për t’i dhënë shokut tuaj mundësinë të luftojë në Gulag, një betejë 1v1 për të pasur mundësinë për t’u rifutur në lojë. Nëse ata fitojnë, ata duhet të gjejnë një mobile armory për të marrë sërish armët e tyre.
Megjithatë, herë pas here ndodh një jailbreak dhe kushdo që është në Gulag mund të shpëtojë dhe të futet menjëherë në lojë.
Një tjetër mekanikë është plunder, një burim që mund të merret nga kundërshtarët e vrarë ose nga misionet. Ai mund të përdoret si para për të blerë items nga plunder boxes ose mund të kthehet në XP në ATM. Nëse jeni në Gulag, ju mund të përdorni plunder për të vendosur baste për luftimet që po ndodhin.
Si në Apex Legends, thuhet se çdo skuadër do të ketë një jumpmaster që zgjedh zonën ku do të hidheni. Lojtarët mund të shkëputen nga jumpmaster, por atëherë ata do të ulen diku tjetër nga loadout bag-u i tyre.
Si përfundim, duket se ka dhe një Fulton Recovery Device në battle royale-n e Modern Warfare. Ende nuk e dimë se çfarë bën ajo.
Si me çdo datamine dhe leak, padyshim që këto gjëra mund të ndryshohen dhe informacioni mund të jetë tërësisht i pavërtetë. Megjithatë, ka shumë mundësi që battle royale të vijë në Modern Warfare dhe tani për tani ajo duket se do të jetë spektakolare.