Multiplayer do të ketë cross-play si dhe një mode me më shumë se 100 lojtarë
Multiplayer do të ketë cross-play si dhe një mode me më shumë se 100 lojtarë
Kemi kohë që presim, por më në fund ka ardhur ky moment. Activision dhe Infinity Ward kanë prezantuar për herë të parë multiplayer-in e Call of Duty: Modern Warfare. Më poshtë keni trailer-in dhe çdo detaj të zbuluar ditën e djeshme.
Në trailer kemi mundësi të shohim çdo veçori të re që do të vijë në lojë. Për shembull, me një të shtypur të butonit kemi mundësi të vendosim armët në cep të një muri ose mbi një objekt të madh. Kjo veçori duket se do t’i përshtatet fare mirë lojtarëve që luajnë pak më të fshehur.
Më pas kalojmë tek dyert në Modern Warfare. Ndërveprimi me to në këtë lojë do të ndikojë shumë në strategjinë që ndiqet gjatë lojës. Mund t’i hapësh dyert duke vrapuar dhe duke bërë shumë zhurmë ose mund t’i hapësh ato lehtë duke shtypur një buton ose mund mund t’i hapësh fare pak për të hedhur një sy brenda ose jashtë dhomës dhe më pas të vendosësh armën në cep, si në veçorinë e mëparshme.
Killstreaks do të rikthehen, siç e kemi mësuar më parë, dhe do të zëvendësojnë scorestreaks. Tashmë, upgrade do të akziviohen vetëm pas vrasjeve dhe jo pas përmbushjes së tëqë të japin pikë. Gjithashtu do të kemi mundësi të karikojmë armët ndërkohë që shënjestrojmë, pa pasur nevojë për ndonjë perk të veçantë.
Infinity Ward gjithashtu ka punuar shumë për t’i bërë plumbat më realistikë përsa i përket lëvizjes dhe depërtimit në materiale të ndryshme. Pra, do të kemi mundësi të gjuajmë përmes materialeve të holla, siç e vumë re në trailer-in e Gunfight.
Gjithashtu është konfirmuar sërish se nuk do të ketë classes. Megjithatë, ende do të kemi mundësi që të ndryshojmë pamjen e operatorit tonë sipas dëshirës, për t’i dhënë atij identitetin që ne duam
Veçoria Gunsmith do të na japë mundësinë për të ndryshuar armët që përdorim me anë të aksesorëve të ndryshëm, secili me veçoritë e tij të mira dhe të këqija. Do të ketë 5 hapësira për çdo armë, por do të ketë shumë më shumë aksesorë. Duket se lojtarët do të kenë mundësi t’i personalizojnë armët sipas dëshirës së tyre.
Gjithashtu, në rast se eleminoheni, do të keni mundësi të merrni një kopje të armës që u përdor për t’ju vrarë. Nuk është e mundur ta ruash armën për ta përdorur më vonë, por padyshim që është një mundësi për të parë një armë më të mirë në veprim dhe për të mësuar diçka të re.
Për sa i përket mode-ve, përveç 2v2, mode klasik 6v6 do të rikthehet. Gjithashtu do të ketë mode 10v10, 20v20 si dhe një mode që mund të mbajë më shumë se 100 lojtarë i quajtur Ground War. Gjithashtu, do të ketë një mode të quajtur Cyber Attack, i cili është një version i përmirësuar i Search and Destroy, ku ju keni mundësi të ringjallni shokët tuaj.
Beta e Call of Duty: Modern Warfare do të jetë ekskluzive për një farë kohe në Playstation 4. Ajo do të nisë në 12 shtator për lojtarët që e kanë bërë pre-order dhe më pas do të mund të luhet nga të gjithë lojtarët në 14 shtator. Për lojtarët në PC dhe Xbox One, ata që kanë pre-order do të kenë mundësi të luajnë nga data 19 shtator dhe më pas të gjithë mund ta luajnë lojën në 21 shtator. Pasi të treja platformat të kenë beta-n e tyre, ato do të mund të luajnë së bashku me anë të cross-play deri në mbylljen e beta në 23 shtator.