Champion Roadmap-i i fundit zbulon më shumë mbi kampionët e rinj që do të vijnë në League of Legends
Champion Roadmap-i i fundit zbulon më shumë mbi kampionët e rinj që do të vijnë në League of Legends
Riot Games solli shumë lajmërime të reja në 10-vjetorin e League of Legends, duke na dhënë një ide më të mirë rreth gjithçkaje që pritet të vijë në lojë, përfshirë këtu dhe Visual and Gameplay Updates (VGU) për dy prej kampionëve më të vjetër të lojës.
Edhe pse fansat janë ende entuziastë rreth projekteve të reja të Riot Games, zhvilluesit u fokusuan gjithashtu tek support-i i ri marksman, Senna, që do të vijë së shpejti në League of Legends.
Fansat kanë kohë që flasin për dashurinë e humbur të Lucian në historinë e tij dramatike me Thresh. Padyshim, Senna dhe Lucian do të funksionojnë shumë mirë së bashku, me combo ku Lucian godet pranë ndërkohë që Senna e mbështet atë nga larg me Relic Cannon.
Si një marksman, Senna sjell damage dhe utility, por lojtarët gjithashtu patën mundësi të shohin aftësitë e saj si support në trailer-in e saj ku ajo mbrojti Lucian nga një hook i Thresh. Senna pritet të zbulohet në 27 tetor, në ditën e dytë të çerekfinaleve të Worlds 2019.
Riot gjithashtu hodhi shenja drejt dy kampionëve që do të vijnë pas Senna. Njëri prej tyre do të jetë një marksman “i besueshëm” që do të vijë në Summoner’s Rift me armë të ndryshme që i përshtaten fesë dhe prejardhjes së saj hënore. Teaser-i tregon një zbukurim me 12 rruaza dhe Riot thotë se lojtarët duhet të jenë shumë të fokusuar për ta përdorur atë siç duhet.
Ndërkohë, një juggernaut i ri nga nëntoka do të vijë në lojë, pasi Darius është juggernaut-i i fundit i lançuar në 2012. Ky kampion i ri pritet të ketë një mekanikë që e bën atë të “qeshë kur ai goditet vazhdimisht dhe më pas të godasë mbrapsht me inat“. Kjo duket diçka e ngjashme me Rage-in e Gnar, por ekziston mundësia që ky kampion të kthehet nga një tank në një carry duke shfryrë të gjithë inatin e tij.
Për sa i përket rework-eve, Fiddlesticks duket i tmerrshëm. Riot thotë se zhvilluesit do t’i bazojnë aftësitë e Fiddlesticks në konceptin e frikës dhe se ai do të tmerrojë kundërshtarët dhe do t’i konfuzojë ata. Me Neeko, Shaco, LeBlanc e Wukong që kanë mekanika të tilla, do të ishte interesante të shohim se si një mekanikë e tillë do të funksiononte me Fiddlesticks.
Ndërkohë që Volibear nuk ka më konceptin e një personazhi të frikshëm dhe të pandalshëm si më parë, por tashmë ai është një zot i stuhive, i cili përdor rrufetë për të goditur kundërshtarët dhe strukturat pas të cilave ata fshihen.
Riot gjithashtu foli dhe për një jungler të çuditshëm dhe një carry melee edgy në Top/Mid që pritet të vijnë së shpejti, por janë ende në faza shumë të hershme.
Me gjithçka të re që pritet të vijë, duket se Riot Games ka përpara disa muaj mjaft të zënë