Zbulohet kopertina dhe një fakt shumë interesant për Death Stranding

Në San Diego Comic-Con Kojima zbuloi kopertinën e lojës dhe faktin që Keanu Reeves mund të ishte në të.

Gjatë një paneli në San Diego Comic-Con, Hideo Kojima zbuloi kopertinën e Death Stranding në PlayStation 4 për versionin standart dhe për një version tjetër që vjen me një paketim më të shtrenjtë të llojës. Kopertina standarte paraqet protagonistin Sam Bridges, të portretizuar nga Norman Reedus. Versioni tjetër pastaj gjithashtu ka Sam, por me një pamje pak më ndryshe të tij.

Një gjë që të bënte përshtypje ishte se kopertina ishte mjaft e pastër dhe e rregullt për një lojë të Kojima. Gjithsesi është e sigurtë që do të duket shumë bukur me koleksionin tjetër të lojrave që mund të keni.

Një tjetër tematikë interesante që u diskutua në panel ishte fakti që për pak, Keanu Reeves mund të ishte në Death Stranding. Vetë John Wick mund të kishte bërë një paraqitje në lojën e Kojima. Lajmi erdhi nga ky i fundit gjatë panelit në Comic-Con. Ai tha se ishte mes vënies së Keanu Reeves dhe Mads Mikkelsen në lojë.

Si duket Kojimës i kishin rekomanduar që të fuste Keanu në lojë, por ai preferonte që të ishte Mads aty. Kjo nuk vjen si ndonjë çudi, pasi aktori është shumë i talentuar dhe ai dhe Kojima janë miq të mirë me njëri-tjetrin. Ndoshta në një univers paralel i gjejmë të dy aktorët në Death Stranding. Do të ishte gjëja më fantastike.

Gjithsesi Keanu nuk mbetet pa gjë, pasi edhe roli i tij në Cyberpunk 2077 është super. Nuk dihet se kush ishte personi që i rekomandoi Keanun Kojimës, por me shumë mundësi dikush nga PlayStation.

Death Stranding do të publikohet në 8 nëntor dhe do të jetë ekskluzive vetëm për PlayStation 4. Qëndroni të update-uar me faqen tonë për të mësuar më shumë të reja rreth saj dhe lojërave të tjera.