Zbulohet imazhi i parë i Revenant në Apex Legends

Mund të jemi pranë lançimit të një legjende të re

Dizajneri i niveleve të Apex Legends, Alex Graner, zbuloi atë që mund të jetë imazhi i parë i Revenant, legjendës më të re në Apex Legends. Deri para pak kohësh kishte shum teasers për Crypto, por tashmë ai ka ardhur në lojë dhe për Respawn, duket se ka ardhur koha për të prezantuar dikë tjetër.

Në një seri imazhesh të postuara në Twitter, Graner dha “padashje” pamjen e parë të Revenant.

Është e habitshme të shohësh një personazh të prezantohet në të tillë mënyrë, por në mungesë të informacioneve më të plota në këtë stad të lojës, jemi gati të pranojmë çdo gjë.

Apex Legends e ka si traditë që të sjellë nga një legjendë të re për sezon dhe duke qenë se Crypto ishte i ftuari special i Season 3, kuotat për tre muajt e ardhshëm janë mbushur. Pra ose do të kemi një legjendë të re së shpejti, duke prezantuar dy hyrje të reja në një sezon, ose do të presim për një sezon të ardhshëm të Apex Legends për ta parë këtë figurë.

Për të qenë më të qartë, personazhi i ri ndodhet në gjysmën e djathtë të imazhit të mëposhtëm. E dimë që nuk është një pamje fort e mirë, por në këtë pikë nuk është se mund të kërkojmë më shumë se kaq.

Tani që kemi një emër dhe një pamje të mundshme për këtë personazh, na mbetet të presim për aftësitë dhe datën e tij të lançimit. Tani nëse këto gjëra do ti zbulojmë drejtpërdrejt nga Respawn apo nga leaks, mbetet ta shohim.

Me eventin e Halloween-it kaq afër lançimit, duket sikur është një mundësi perfekte që Respawn të prezantojë një personazh të ri. Për një lojë që nuk ka campaign single-player, Apex Legends padyshim që ka shumë lore të futur në të.

Revenant me shumë mundësi do të ketë një histori komplekse njëlloj si paraardhësit e tij: Crypto, Wattson, Octane etj.