Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
EA Access do të vijë në PlayStation 4 muajin e ardhshëm. Më specifikisht dhe sipas vetë Electronic Arts, ky shërbim subscription do të vijë për PS4 në 24 korrik dhe do të kushtojë po aq sa kushton në Xbox One. Pra 5$ në muaj ose 30$ në vit, që nuk është aspak keq. Njëlloj si në Xbox One, EA Acces në PS4 do tju japë akses në një librari të madhe lojërash, që tani përfshijnë lojëra të tipit: Battlefield V, FIFA 19, Madden NFL 19, A Way Out, Burnout Paradise Remastered, Mass Effect Andromeda etj.
Krahas kësaj, EA ju jep edhe free-trials që ju lejojnë të luani disa lojëra të EA përpara se të lançohen dhe në të njejtën kohë, të ruani edhe ecurinë në to. Gjithashtu keni edhe 10% ulje në të gjitha blerjet e produkteve të EA në PS4. Këtu jo vetëm lojëra, por edhe DLC, Season Pass-e dhe çdo gjë që lidhet me EA që blihet. Siç thotë dhe EA, nëse blini një lojë EA në muaj, 10% justifikon pagesën për shërbimin dhe nëse blini pesë lojëra të EA në vit, 10% justifikon koston e gjithë abonimit vjetor.
Për aq kohë sa do të qëndroni anëtar, do të mund ta luani çdo lojë sa herë që të doni, kur ta doni. Lojërat gjithashtu nuk largohen kurrë, por thjesht shtohen. Vetëm në raste ekstreme pastaj, kur mund ti fiken serverat, apo ndonjë gjë e tillë.
Nëse jeni fans i lojërave të EA dhe keni një PS4, pse të mos e provoni.
