Loja do të vijë në pranverën e 2020
Loja do të vijë në pranverën e 2020
Microsoft na prezantoi ditën e djeshme me një trailer të ri për Dying Light 2 gjatë konferencës së tyre në E3 duke zbuluar një botë të ndarë jo vetëm nga turmat me zombi por edhe nga njerëzit që kanë mbijetuar, të cilët janë kthyer kundra dhe po sulmojnë njëri-tjetrin. Por, një njeri i quajtur Aiden Caldwell nuk e pranon këtë gjë.
Megjithatë, Aiden ka problemet e veta. Ai është i infektuar, por duket se është më njerëzor se të tjerët. Aftësitë e tij për të bërë parkour dhe brutaliteti i tij në luftime e bëjnë atë të rëndësishëm në këtë qytet në rrënim e sipër. Por ai nuk është vetëm një luftëtar, pasi nëpërmjet tij lojtarët do të bëjnë zgjedhje që do të ndryshojnë botën ndërkohë që ata luajnë. Ky është një premtim i cili duket se do të bëhet realitet.
Duhet patur parasysh se data e lançimit ende nuk është saktësuar dhe është vetëm pritshmëria e Microsoft. Më poshtë mund të ndiqni trailer-in e lojës: