Nëse keni qef të merrni disa lojëra falas për PC, që kush nuk ka qef, padyshim që jeni në dijeni se Epic jep lojëra falas çdo javë. Lojërat që janë tashmë live për tu marrë janë Tacoma dhe Next Up Hero dhe tani e dimë dhe se cilat lojëra e kanë rradhën pas tyre. Këtë rradhë nuk do të jenë dy, por tre lojëra falas.
Siç mund ta shikoni në Epic Games Store, lojërat e ardhshme në rradhë, që do të bëhen të disponueshme javën e ardhshme janë: 20XX, Barony dhe Superbrothers: Sword & Sworcery EP. E para prej këtyre përshkruhet si një “action platformer” që mund ta luani me një shok, duke marrë parasysh që suporton local dhe online co-op, përtej crossplay-it me Epic dhe Steam.
Ideja është që të luani dhe të kaloni nivele që gjithmonë ndryshojnë nga njëri-tjetri, të mundni bosses dhe të fitoni disa fuqi interesante rrugës.
Barony nga ana tjetër është pak a shumë si një përzierje e Doom me Minecraft. Është një first-person, co-op me “items misteriozë, kurthe brutale dhe përbindësha djallëzorë.” Pra përballeni me dungeons, mposhtni armiqtë dhe testoni disa magji të fuqishme, e gjitha me synimin për të vënë poshtë “forcat e liga të mbinatyrshme.”
E fundit në listë është Superbrothers: Sword & Sworcery EP, një lojë aksion-aventurë e 2012s që ju bën të ndihmonë një murg luftëtar të plotësojë misionin e tij.
Të treja lojërat do të jenë të disponueshme për t’u marrë falas në Epic Games Store mes datave 30 korrik – 6 gusht.