Zbulohen pamje nga gameplay i Atelier Ryza 2

Shfaqen pamje nga Atelier Ryza 2: Lost Legend & the Secret Fairy gjatë një livestream

Seria e dytë e Atelier Ryza do të vijë gjatë vitit tjetër dhe është vazhdimi i Atelier Ryza: Ever Darkness & the Secret Hideout e cila u lançua në vitin 2019. Së fundmi gjatë një livestream nga Koei Tecmo i cili është zhvilluesi i lojës, fansat kanë zbuluar shumë detaje nga gameplay i kësaj loje.

Gjatë këtij livestream u shfaq trailer i lojës dhe disa skena të shkurtra  nga gameplay. Më pas u shfaq Moe Iori e cila është cosplayer zyrtare bashkë me disa të ftuar ku u shpjeguan shumë gjëra rreth lojës. Pasi e gjithë kjo mbaroji, filloi të shfaqej gameplay i lojës ku shfaqeshin shumë nga aktivitetet që mund të kryeni në lojë dhe eksplorimi.

Edhe pse livestream ishte në gjuhën japoneze, fansat arritën të kuptonin se çfarë do të sjellë Atelier Ryza 2. Fatmirësisht loja do të lançohet së shpejti. Gjatë muajit dhjetor loja do të vijë për Japoninë dhe më 26 janar do të vijë për pjesën tjetër të botës.