Në listën e lojërave gjatë Evo 2019 përfshihen Super Smash Bros. Ultimate, Mortal Kombat 11 dhe Samurai Shodown
Në listën e lojërave gjatë Evo 2019 përfshihen Super Smash Bros. Ultimate, Mortal Kombat 11 dhe Samurai Shodown
Organizatorët e eventit vjetor Evo për lojërat fighting lajmëruan listën e lojërave për eventin e këtij viti mbrëmjen e të martës. Evo 2019 do të ketë disa prej lojërave më të famshme dhe kryesore fighting si Street Fighter 5: Arcade Edition dhe Tekken 7, por edhe lojëra ende të palançuara si Mortal Kombat 11 dhe Samurai Shodown-in e ri.
Por, një prej lojërave që nuk do të jetë pjesë e Evo 2019 është Super Smash Bros. Melee, loja për GameCube e cila ka qënë një prej lojërave kryesore të kampionatit për plot gjashtë viteve. Në vend të Melee, seria Smash Bros. do të përfaqësohet me Super Smash Bros. Ultimate, loja e lançuar për Switch në dhjetor.
Super Smash Bros. Melee, edhe pse mbush plot 18 vjeç dhe një herë madje ka pasur probleme të mëdha me përfshirjen në Evo, ka qenë një prej tërheqjeve kryesore të kampionatit. Për Evo 2018, mbi 1300 lojtarë u regjistruan për të konkurruar në Melee, thuajse i njëjti numër lojtarësh për Super Smash Bros. for Wii U, e lançuar në 2014.
Kjo është lista zyrtare e lojërave gjatë Evo 2019:
Një prej lojërave më të famshme që nuk janë përfshirë në listë është Dead or Alive 6, seri e cila nuk ka qenë pjesë e kampionatit për më shumë se një dekadë. Gjithashtu, u lajmëruan lojërat që do të luhen në ditën finale të Evo 2019, të cilat do të jenë katër: BlazBlue: Cross Tag Battle, Street Fighter 5: Arcade Edition, Super Smash Bros. Ultimate, dhe Tekken 7.
Evo 2019 do të zhvillohet nga 2-4 gusht në Las Vegas, në Mandalay Bay Resort and Casino. Më poshtë mund të ndiqni trailer-in: