Zbulohen lojërat e ardhshme falas në Epic Store

Epic i është kthyer traditës.

Pas një muaji me lojëra të profilit të lartë në PC që vinin falas pa ndonjë njoftim paraprak, Epic Games i është kthyer zakoneve të vjetra, duke prezantuar lojërat që do të sjellë falas një javë përpara se ato të vijnë. Pasi të keni marrë falas lojërat e kësaj jave, përfshirë Ark: Survival Evolved dhe Samurai Shodown Neo Geo Collection, ju mund të merrni të dyja Pathway dhe The Escapist 2 në datë 18 qershor.

Pathway është një lojë strategji nga Robotality dhe Chucklefish, e përshkruar më thjeshtë si XCOM që takon Indiana Jones. Ju do të drejtoni një skuadër në aventurat tuaja në 1930, drejt relikeve të vjetra të kultit, teksa njëkohësisht vini poshtë disa nazistë përgjatë narrativës

The Escapists 2 pastaj është vazhdimi i aventurës origjinale të arratisjes nga burgu, nga Team 17 dhe Mouldy Tooof Studios. Loja ju lejon që të personalizoni të burgosurin tuaj, të planifikoni arratisjen dhe të përdorni një varietet mjetesh për të gjetur lirinë. E bukura është që mund ta luani lojën edhe me miq, me opsione multiplayer që bashkojnë deri në katër lojtarë online.

Të dyja lojërat do të vijnë live në 18 qershor dhe do të jenë të disponueshme për një javë, derisa të zëvendësohen me një set të ri lojërash falas në 25 qershor.