Këtë vit janë sërish fitues disa emra mjaft të njohur
Këtë vit janë sërish fitues disa emra mjaft të njohur
Steam ka zbuluar edhe këtë vit fituesit e Steam Awards, të votuar nga komuniteti i lojtarëve, të cilat përfshijnë dhe Game of the Year dhe VR Game of the Year. Steam Awards, ndryshe nga shumica e çmimeve të tjera, shpall fitues dhe lojëra të cilat nuk janë lançuar gjatë këtij viti.
Fituesi i madh ishte Sekiro: Shadows Die Twice si Game of the Year 2019. Beat Saber fitoi VR Game of the Year. Të tjerë fitues nga 2019 janë A Plague Tale: Innocence për Outstanding Story-Rich Game, My Friend Pedro për Innovative Gameplay, Mortal Kombat 11 për Best Game You Suck At dhe Gris për Outstanding Visual Style.
Steam ka gjithashtu dhe disa çmime të tjera më specifike për lojëra që tashmë kanë disa vite që janë lançuar. Këtë vit, një prej tyre Labor of Love, për lojën që ka patur mbështetje të vazhdueshme nga zhvilluesit, i cili u fitua për të dytin vit rradhazi nga Grand Theft Auto 5. Ndërkohë, DayZ fitoi çmimin Better With Friends.
Sekiro është shpallur Game of the Year nga disa ceremoni, përfshirë këtu The Game Awards, por edhe nga ne. Më poshtë keni listën e plotë të fituesëve të Steam Awards 2019: