Zbulohen armët e reja në patch-in e ardhshëm të Fortnite

Sipas file-ve të lojës, pritet të kemi një pistoletë dhe një kurth të ri

Patch-i 8.10 i Fortnite solli ndryshime të shumta në lojë, duke nisur nga The Baller, një top rrotullues e duke kaluar te ndryshimet e armëve dhe ndryshime të mëdhaja në mënyrën se si Vending Machines punojnë në lojë.

Duke kërkuar nëpër file-t e lojës, dataminers kanë arritur të gjejnë 2 armë të reja, të cilat pritet të bëhen pjesë e lojës, Poison Dart Trap dhe Flintlock Pistol.

Ende nuk ka asnjë pamje zyrtare të Poison Dart Trap, por duke parë se ajo është bërë pjesë e dokumentave të lojës që tani, pritet që ajo të bëhet pjesë e battle royale-s së shpejti. Duke parë dhe nga emri (shigjeta helmuese), ka shumë mundësi që ajo t’i dëmtojë lojtarët me kalimin e kohës, në mënyrë të ngjashme me Stink Bombs. Duket se Epic Games na ka treguar pak për pamjen e saj në loading screen-in e javës së tretë të sfidave Discovery.

Në anën tjetër, arma më e re e cila pritet ti bashkohet lojës është Flintlock Pistol. E parë edhe në loading screen-in e sezonit 8 të lojës, arma duket se është perfekte për tematikën e këtij sezoni të mbushur plot piratë.

Ende nuk dihen statistikat e dëmit të armës, por pritet që ajo të karikohet ngadalë, të shkaktojë shumë dëm dhe të jetë perfekte për dyluftime nga afër. Përveç pamjes së pistoletës, dataminers gjithashtu kanë arritur të zbulojnë zhurmën që ajo do të bëjë, e cila duket se do të shurdhojë kundërshtarin, gjithmonë nëse ai arrin t’i mbijetojë goditjes.

Nuk ka asnjë koment nga Epic për sa i përket qoftë kurthit ose pistoletës. Ende nuk dihet se kur do të lançohen, sidomos duke parë se patch-i 8.10 doli vetëm disa ditë më parë. Megjithatë, mezi presim të shohim se si këto armë do të implementohen në lojë.