Zbulohen aftësitë e Senna në League of Legends

Kampioni më i ri i LoL është shumë afër

Ndërkohë që disa fansa të League of Legends i kanë sytë nga Worlds 2019, pjesa tjetër po presin me padurim ardhjen e Senna, support-it të ri marksman. Riot Games ka zbuluar gradualisht më shumë informacion mbi Senna gjatë javëve të kaluar, duke nisur nga zbulimi i saj. Sot, duket se zhvilluesit e League of Legends kanë postuar një trailer të shkurtër të gameplay-t të saj, duke i dhënë lojtarëve mundësinë të shohin për herë të parë aftësitë e Senna.

Trailer-i nuk jep emra ose detaje, por tashmë mund të japim teori se çfarë do të bëjnë ato bazuar tek trailer-i. Fatmirësisht, Riot kishte vendosur aftësitë e Senna mbi të, duke na treguar se cila prej tyre po përdorej në trailer.

Duket se Senna mund të mbledhë shpirtrat e lënë pas nga kampionët dhe minions që vdesin me pasiven e saj, në mënyrë të ngjashme me Thresh. Ende nuk dihet se çfarë ajo fiton ekzaktësisht nga këto shpirtra.

Me Q, Senna lëshon një rreze të ngjashme me Q e Lucian. Megjithatë, duket se ajo është shumë më e madhe. W e Senna duket se është një skill shot, i cili lëshon një sferë të kaltër. Në trailer, kjo aftësi godet Thresh dhe i lë atij një shenjë. Pas disa sekondash, Thresh bëhet root për pak kohë.

E e Senna duket e ngjashme me W e Pyke, duke bërë që ajo të kthehet në një fantazëm jeshile me një rreth tymi rreth saj. Duket se ajo gjithashtu fiton dhe movement speed dhe tymi me shumë mundësi do të ketë efekte të tjera.

Për sa i përket R, Senna përdor armën e saj në një vijë të drejtë, duke lëshuar një sulm shumë të fortë dhe të gjërë sa lane, por që nuk ka shumë range.

Lojtarët do të kenë më shumë mundësi të shohin dhe të testojnë aftësitë e Senna kur ajo të vijë në PBE në 29 tetor. Ajo do të jetë në serverat e testimit përpara se të vijë në 20 nëntor në patch-in që do të sjellë preseason në League of Legends.