Së bashku me gameplay-n është zbuluar dhe pak nga historia e lojës
Së bashku me gameplay-n është zbuluar dhe pak nga historia e lojës
Dy teaser të rinj për historinë dhe luftimet e lojës së ardhshme Dragon Ball Z Kakarot janë zbuluar nga Bandai Namco.
Teaser-at na japin mundësi t’i hedhim një sy sistemit të luftimeve në lojë si dhe misioneve të historisë. Ju mund t’i shikoni ato më poshtë:
E quajtur fillimisht Project Z, emri i lojës u zbulua fillimisht gjatë konferencës në E3 2019 të Microsoft.
“Të kombinosh historinë legjendare të Dragon Ball Z me një studio të aftë të zhvillimit të videolojërave është një mënyrë mëse e sigurt për të krijuar një aventurë fantastike të Dragon Ball,” – tha Eric Hartness, zv. president i marketingut në Bandai Namco Entertainment America Inc. në janar të këtij viti. “Mezi po presim të zbulojmë emrin zyrtar të lojës dhe t’i japim më shumë detaje mbi gameplay lojtarëve“.
E zhvilluar në Japoni nga zhvilluesi i videolojërave CyberConnect2, loja tregon historinë legjendare të Dragon Ball Z, duke i futur lojtarët në një aventurë të paharrueshme, duke përjetuar beteja fantastike dhe misione sfiduese ndërkohë që krijojnë miqësi që zgjasin një jetë ndërsa janë duke punuar së bashku për të mbrojtur Tokën nga armiq të tmerrshëm. Për më tepër, Dragon Ball Z Kakarot do t’i japë gjithashtu përgjigje disa prej pyetjeve që ende kanë mbetur mister gjatë historisë së Dragon Ball Z nëpërmjet misioneve të saj.
Dragon Ball Z Kakarot pritet të lançohet vitin e ardhshëm në PC, PS4 dhe Xbox One.