Shikoni zbulimin e gameplay-it të Baldur’s Gate 3

Larian Studios ishte prezent në PAX East sot dhe më në fund i dha audiencave të lojës një pamje të mirë të gameplay-it dhe historisë së Baldur’s Gate 3. Duke luajtur fillimin e lojës, zbulimi i madh i gameplay-it përfshiu një video kinematike hapëse, pak narrativë mbi origjinën e personazheve, shembuj të mekanikave të combat dhe exploration dhe një pamje të mjediseve të bukura Baldur’s Gate 3. Ja çdo gjë që u zbulua për audiencën në prezantimin e PAX East.

Shumë fansa kanë qenë kuriozë të shohin se çfarë lloj loje do të jetë Baldur’s Gate 3 dhe nëse do të ngjajë ndopak me sagën origjinale të Baldur’s Gate ose Divinity: Original Sin 2. Pasi pamë demon e gameplay-it mund të themi se përgjigjja është: të dyja bashkë.

Si në rastin e Divinity, combat është plotësisht turn-based. Në dallim me lojërat e vjetra të Baldur’s Gate, falë përmirësimeve masive të teknologjisë, lojtarët tashmë mund të bashkëbisedojnë nga afër me NPC dhe të përfitojnë nga grafikat e shkëlqyera të lojës.

Diçka tjetër që vihej re për Baldur’s Gate 3 ishte se sa shumë përpiqej që të sillej si një lojë Dungeons & Dragons. Jo vetëm që është combat-based, por ka dhe një DC (difficulty class) për çdo gjë. Kjo është pjesa më e bukur në D&D dhe të shohim kthimin e saj në nj CRPG duhet të jetë interesante.

Krahas DC-ve, Baldur’s Gate 3 gjithashtu ka të gjitha rracat, magjitë dhe mekanikat e përgjithshme të D&D. Sipas Larian, jo çdo gjë do të jetë e disponueshme menjëherë në lançimin early acces të lojës. Shumë gjëra do të shtohen më vonë.

Baldur’s Gate 3 do të vijë për PC dhe Stadia. Ajo është përllogaritur të lançohet në early release në 2020ën.