Sony ka postuar një video 7 minuta ku flet për PS5. Zbërthimi na jep pamjen më të mirë të saj që kemi parë deri më tani, përfshirë këtu të gjitha pjesët e brendshme dhe ato anësore që janë të lëvizshme. Yasuhiro Ootori, kreu i dizajnit mekanik për PS5, është duke e shpjeguar këtë në japonisht, duke thënë se e gjithë PS5 është dizenjuar për të nxjerrë ajrin jashtë saj.
Sony është duke përdorur një bazë brenda PS5 që mbahet me një vidë kur e pozicionon vertikalisht dhe kapet anash kur e lë horizontalisht. Panelet e bardha në dy anët e konsolës mund të hiqen lehtësisht duke i ngritur dhe duke i rrëshqitur tutje. Kjo të tregon freskuesen kryesore në majë të PS5. Sony gjithashtu po përdor dy kapëse pluhuri që mund të pastrohen përmes dy vrimave.
Zbërthimi i parë gjithashtu zbulon vendin e expandable storage përmes një porti M.2 që aksesohet pasi keni hequr dy panelet e bardha. Pronarët e PS5 do të mund të blejnë driverat e tyre për të rritur storage në konsolën e gjeneratës së ardhshme.
Pjesa tjetër e videos realisht tregon se sa i mirëmenduar është dizajni i konsolës. Është e qartë që Sony e ka bërë këtë për ta bërë më adapte. Blu-ray drive mund të zhvendoset kollaj dhe edhe procesori memoria dhe seksioni i SSD janë të lehta për tu aksesuar.
Freskuesja që Sony po përdor brenda PS5 është 120mm në diametër, 45mm e trashë, me aksesim ajri nga të dyja anët. PS5 gjithashtu përdor metal të lëngshëm për ftohje të peformancës, gjë që duhet të ndihmojë goxha me zhurmën tipike të freskueseve në PS4.