Teksa pjesa tjetër e botës pret për lançimin e Xbox Series X, shumë njerëz tashmë e kanë provuar konsolën, kryesisht për ta testuar, ose për arsye marketingu. Sipas një YouTuber-i që i ka rënë konsola në dorë, ajo i është prishur.
YouTuber-i me emrin PAPIGFUNK e mori konsolën për arsye marketingu dhe për të bërë një video unboxing si pjesë e marrëveshjes së brandit me Xbox. Gjithsesi, përdoruesi tani ka raportuar se konsola është prishur dhe çdo tentativë që ai bën për ta ndezur i rezulon në një ekran të zi, por ka më shumë tek videoja se ç’të sheh syri.
PAPIGFUNK kishte treguar pamje të User Interface të Xbox Series X dhe ekranit të menusë. Kjo është një shkelje e dukshme e marrëveshja NDA që Microsoft firmos me të gjithë reklamuesit e tij. Për këtë arsye duket e mundur që Microsoft mund të ketë marrë masa kundër PAPIGFUNK, duke e kyçur jashtë saj derisa të vijë data tamam e lançimit.
Siç mund të imagjinohet, kjo ishte tepër e frikshme për disa përdorues. Të mendosh që një konsolë fringo e re të bëjë probleme të tilla kaq shpejt. Fatmirësisht Microsoft e sqaroi problemin, duke thënë se ishte PAPIGFUNK ai që kishte shkelur rregullat.
Xbox Series X do të lançohet nesër, në 10 nëntor të 2020ës.