YouTube mund t’i hyjë biznesit të NFT

Shumë platforma të mëdha po i hedhin sytë së fundmi nga NFT dhe platforma më e fundit është YouTube siç është shprehur CEO e kompanisë

CEO Susan Wojicki është shprehur se Youtube po kërkon dhe eksploron mënyra të reja për përdoruesit e saj që të përfitojnë nga NFT. Wojicki ka shtuar se Web3(World Wide Web i bazuar në blockchain) ka qenë inspirimi kryesor që e ka shtyrë kompaninë.

Akoma Susan nuk ka zbuluar se si YouTube mund të përfshijë NFT në platformën e saj por me avancimin e teknologjisë dhe famën e madhe që NFT po marrin, YouTube mund ta përdor si një burim të ardhurash për përdoruesit e saj.

Nëse YouTube do të lejonte NFT në platformën e saj dhe përdoruesit të shisnin direkt NFT, do të ishte një ndryshim i madh në teknologji. Deri më tani asnjë platformë e madhe nuk e ka përfshirë në mënyrë direkte NFT. Por shenjat që kjo gjë do të ndryshojë në 2022 janë të shumta.

Twitter ka prezantuar eksperimentin e parë me NFT duke iu lejuar përdoruesve të saj të përdorin foto profili NFT. Kurse kompania Meta po punon që të sjellë një market NFT në Instagram dhe Facebook. Akoma nuk dihet se si do të eci tregu i NFT duke marrë parasysh që tregu i tyre ndryshon shpesh.