Edhe lojtarët e NBA si Isaiah Thomas janë të lodhur duke pritur për lançimin e Grand Theft Auto 6. Kanë kaluar thuajse shtatë vite që nga instalimi i fundit i saj dhe sado që lojtarët kanë mundur të kalojnë kohën duke luajtur GTA Online, të gjithë janë gati për një eksperiencë të re në Grand Theft Auto.
Ky anticipim për GTA 6 ka arritur kulmin, duke ndikuar edhe lojtarët profesionistë të sporteve. NBA All-Star Isaiah Thomas së fundi u shpreh në Twitter se ishte i zhgënjyer me zhvillimin e gjatë të GTA 6 dhe tha se do të ishte mirë nëse do e lançonin tani GTA 6.
Sigurisht që Thomas nuk është i vetmi që po pret për ndonjë farë lajmi mbi lojën e ardhshme të Rockstar dhe shumë fansa thjesht po kapen me thashetheme dhe leaks që kanë dalë gjatë muajve të fundit. Në një pikë thuajse të gjithë lojtarët ishin të bindur se Grand Theft Auto 6 do të zbulohej në mars, por ky rezultoi të ishte një aludim bosh.
Jemi në një pikë ku po na dalin thinjat duke pritur dhe është edhe më interesante pasi nuk dihet as edhe një gjë konkrete për të. As nuk është konfirmuar se do të ketë një GTA 6, por si gjithmonë skemi ç’bëjmë veçse të presim.