Ju prezantojmë me Mi TV LUX Transparent Edition
Ju prezantojmë me Mi TV LUX Transparent Edition
Për të festuar 10 vjetorin, Xiaomi ka prezantuar TV-në e parë transparent të prodhuar në masë. Ky TV përdor një panel OLED transparent, i cili jep përshtypjen e një dritare transparente kur televizori është i fikur, ndërsa kur është i ndezur bën që pamjet e që dalin të duken sikur ato lundrojnë në hapësirë.
Mi TV LUX Transparent Edition është një TV 55 inç me kontrast 150,000:1, ngjyra 10bit dhe mbulim 93% i paletës DCI-P3. Refresh rate është 120Hz dhe shkalla e përgjigjes në piksel është 1ms.
Brenda ajo ka chipset MediaTek 9650, ndërsa AI Master Smart për përpunimin e figurave është gjithashtu i pranishëm. Ekziston edhe AI Master për Audio i cili zgjedh llojin e tingullit sipas përmbajtjes dhe ka suport Dolby Atmos.
Teknologjia rreth ekranit transparent nuk është e re, por Mi TV Lux Transparent Edition është e para që kalon në prodhim masiv. Ka një kornizë të hollë prej vetëm 5.7 mm. Nuk mund të montohet në një mur, pasi baza e tij rrethore e bën të gjithë punën. Sigurisht që nuk ka për qëllim ata që duan mbi të gjitha cilësinë e figurës, pasi ajo do të ndryshojë në varësi të ndriçimit të dhomës dhe vendndodhjes së televizorit.
TV shkon në shitje në 16 gusht në Kinë për 49,999 juanë (6,131 €). Imagjino të luash God of War me këtë… *heart eyes emoji*