Telefonat e palosshëm ka gjasa të jenë trendi i 2019-ës. Samsung pritet të paraqesë versionin e vet muajin tjetër, pasuar nga Huawei. Xiaomi nuk mbetet mbrapa dhe zbuloi prototipin e vet.
Bashkë-themeluesi dhe kryetari i Xiaomi Lin Bin, publikoi një video në Weibo duke na treguar një pajisje e cila kthehej nga tablet në smartphone duke palosur mbrapsht dy skajet e pajisjes. Informacioni i mëtejshëm nuk dihet, por Xiaomi thekson se nuk është një koncept por një pajisje e vërtetë dhe MIUI është përshtatur me të dhënat në atë ekran të veçantë. Xiaomi do të jetë prezent në MWC 2019 në Barcelonë dhe aty mund të publikojë më shumë informacion rreth pajisjes së re.