Smartphone-i ka 180% screen-to-body ratio
Smartphone-i ka 180% screen-to-body ratio
Xiaomi Mi MIX Alpha padyshim që di si të tërheqë vëmendjen e disa qindra mijëra njerëzve menjëherë, pasi prodhuesi kinez lançoi diçka mjaft interesante për industrinë e smartphone. Jo vetëm që Mi MIX Alpha të impresionon me hardware-in e tij, por gjithashtu ka një pamje shumë të veçantë nga jashtë.
Xiaomi Mi MIX Alpha ka atë që kompania e quan Surround Screen i tyre inovativ, por që në të vërtetë është një ekran nga të dyja anët. Flagship i fundit i firmës kineze mund Mate 30 Pro dhe ka një screen-to-body ratio që nuk është parë kurrë më parë prej 180.6%. Xiaomi thotë se ka përdorur aliazh titaniumi, qeramikë dhe safir për të krijuar këtë koncept revolucionar.
Natyralisht, si me çdo telefon tjetër që është i gjithi ekran si përpara dhe mbrapa, nuk ka asnjë buton fizik anash. Në vend të tyre është një teknologji e re akustike që zëvendëson boksin tradicional që përdoret kur flet në telefon dhe sensorin e afërsisë. Për sa i përket butonave anësorë, ata janë zëvendësuar nga motora sensitivë ndaj shtypjes që simulojnë prekjen që ka një buton fizik, sipas Xiaomi.
Me pamjen e saj mbresëlënëse, Xiaomi Mi MIX Alpha gjithashtu nuk mbetet mbrapa dhe për parametrat e tij. Brenda gjendet një Snapdragon 855 Plus, që është mbase procesori më i shpejtë për një flagship Android të 2019. Mi MIX Alpha suporton gjithashtu 5G për tre kompanitë kryesore telefonike në Kinë. Ti gjithashtu merr 12GB LPDDR4x RAM dhe 512GB UFS 3.0 memorie. Smartphone ka gjithashtu një bateri 4050mAh dhe vjen me një karikues fast-charge 40W. Nuk dihet ende nëse Xiaomi Mi MIX Alpha suporton Qi wireless charging.
Xiaomi Mi MIX Alpha ka një sensor kryesor 108MP me madhësi 1/1.33 inch. Sipas Xiaomi, është 380% më i madh se sensori 48MP i Sony. Kompania gjithashtu thotë se sensori kryesor mund të prodhojë imazhe me rezolucion 12032 x 9024 dhe suporton një veçori Super Pixel për të prodhuar pixel të mëdhenj 1.6μm në mungesë të dritës.
Stabilizimi gjithashtu është përmirësuar, pasi kamera ka brenda saj optical image stabilization (OIS) në katër akse, për të sjellë video stabël. Në të njëjtën kohë, Mi MIX Alpha ofron një kamera ultrawide 20MP që suporton 1.5CM Super Macro, si dhe një sensor 12MP telephoto me 2x optical zoom.
Xiaomi thotë se do prodhimi i ulët i Mi MIX Alpha do të nisë në fund të dhjetorit dhe smartphone-i do të ketë një çmim rreth $2800. Padyshum që është një çmim shumë i lartë, por gjithashtu do të prodhohet në sasi të ulët. Do të jetë shumë interesante të shohim dizajne të tjera interesante dhe koncepte unike të smartphone të tjerë në të ardhmne dhe shpresojmë që pas lançimit të Mi MIX Alpha, të tjerë prodhues të lançojnë versionet e tyre të telefonave të së ardhmes.