Xiaomi, do të sjellë monitorin e parë për gaming

Kompania e njohur për smartphones, duket se po eksploron një territor të ri.

Opsionet e pakta nuk ekzistojnë kur je në kërkim të një monitori për gaming dhe në rast se nuk e dinit, kemi disa prurje të reja në këtë fushë: Razer dhe Xiaomi.

Mund të jeni të njohur me Raptor 27 të Razer, që tashmë është i disponueshëm pas prezantimit në CES gjatë fillimit të vitit, por duket se Xiaomi gjithashtu do të zgjerojë produktet në katalogun e tij.

Xiamoi njihet më së miri për smartphone-at e tij, por gjithashtu kalon herë pas here edhe në kategori të tjera si: Smart TV, bateri, rripa fitnesi dhe edhe motorra elektrikë. Gjithsesi, Mi Surface 34 është monitori i parë i kompanisë.

Ai do të ketë një display 34-inch dhe do të suportojë një panel të kurbëzuar (1500R) me 3440×1440 rezolucion në raportin 21:9. I ndërtuar pë gaming, ai ka një refresh rate prej 144Hz dhe suport të AMD FreeSync.

Detaje të tjera si nivelet e ndriçimi, kontrastit dhe opsionet e lidhjeve, ende nuk janë bërë të ditura. Është gjithashtu ende e paqartë se çfarë kompanie po e përzgjedh panelin VA, por sugjerimet janë drejt Samsung.

Dizajni nuk duket i keq. Nga renderat që kemi parë ka korniza të holla nga anët dhe jo ndonjë gjë shumë të ekzagjeruar te baza. Çmimi për pre-order qëndron momentalisht te rreth 1,999 Yuan, që përafrohet në $238. Në këtë rast duhet llogaritur edhe çmimi shtesë i eksportimit për të vende dhe tregje të tjera. Ende nuk dihet në Xiaomi ka si qëllim ta sjellë këtë produkt jashtë Kinës.