Duke përjashtuar vonesat nga Coronavirus, Xbox Series X do të lançohet më vonë gjatë këtij viti. Ekzaktësisht se kur ende nuk e dimë. Në fakt kemi shumë pak informacione realisht të rëndësishme për konsolën. Nuk dihet se sa do të kushtojë, se çfarë veçorish do të sjellë ose listën e plotë të lojrave që do të sjellë bashkë me të. Gjithsesi, diçka që përflitet ta ketë konsola: audio hardware acceleration të dedikuar. Kjo gjë do i bëjë lojërat shumë më përfshirëse dhe kinematike, duke e përmirësuar eksperiencën e audios me hapa galopantë.
Ky informacion ka ardhur nga Game Developers Conference 2020, ose specifikisht, nga përshkrimi i një prej paneleve të saj për audion.
“Mësoni nga dizajnerat e audios në Borderlands 3 dhe Gears of War 5 se si një bashkëpunim mes Microsoft, Dolby dhe partnerëve tanë të tjerë, nisi një revolucion audioje, që i kthen çdo pal kufjesh në një portë multi-dimensionale për një botë tjetër.”
Siç mund ta dini, Microsoft nuk është i vetmi që po investon në audio. Sony ka folur paraprakisht që do të bëjë permirësime në këtë zonë, kur vjen puna te PS5. Në fakt, dimë se konsola do të ketë një njësi specifike për 3D audio.
Është mirë të shohësh që edhe Microsoft dhe Sony duan të bëjnë përmirësime drejt audios. Edhe PS4 dhe Xbox One kishin mangësi në këtë aspekt. Xbox Series X dhe PlayStation janë përllogaritur të dyja për tu lançuar në fund të këtij viti.