Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Ai pritet të ketë një veçori të quajtur “Windows Mode“
Xbox Series X, konsola e gjeneratës së ardhshme nga Microsoft, mund të suportojë Steam dhe Epic Games Store, sipaz zërave të fundit që qarkullojnë në komunitetin e Xbox.
Si me çdo lloj informacioni tjetër të kësaj natyre, nuk duhet t’i besojmë verbërisht kësaj ideje, por zërat thonë se Xbox Series X mund të ketë një “Windows Mode” që i lejon lojtarët të ndryshojnë sistemin operativ dhe të përdorin Windows 10, gjë që i jep atyre akses në Steam dhe Epic Games Store. Nëse kjo është e vërtet, konsola mund të transformohet në një PC, duke patur mundësi të luajë edhe lojëra që nuk kanë ardhur në Xbox.
Kjo është mjaft interesante kur merr parasysh se lojëra si Detroit: Become Human dhe Heavy Rain, të cilat u lançuan si ekskluzive në PlayStation, erdhën vitin e kaluar në PC dhe mund të kalojnë tashmë edhe në Xbox. Me Horizon Zero Dawn që gjithashtu prite të vijë në PC, kjo do të thotë se lojtarët e Xbox mund të luajnë lojëra që më parë mund të mos i luanin nëpërmjet Windows Mode.
Kjo ide nuk është dhe aq e paimagjinueshme. Microsoft ka kohë që përpiqet të krijojë një platformë të bashkuar, duke sjellë veçori si backwards compatibility dhe cross-play. Tashmë dimë që Xbox Series X ka backwards compatibility me çdo gjeneratë konsolash, duke ju dhënë ju një librari të madhe lojërash për të luajtur.
Thjesht duke parë që nga jashtë Xbox Series X duket si një PC, nuk do të qe çudi që konsola të suportonte sistemin operativ të Microsoft. Edhe pse nuk dihet sa të vërteta janë këto zëra, padyshim që është një ide mjaft interesante.
