Microsoft tregoi lojërat e ardhshme që do të vijnë në Xbox Series X përmes Xbox 20/20. Ishte pak më e shkurtër se çfarë pritej, por asnjë nga lojërat nuk ishte ndonjë wow, por padyshim që kishte disa zbulime të lezetshme. Më poshtë do të gjeni listën e plotë të lojërave që Microsoft zbuloi. Shumë prej tyre gjithashtu do të vijnë edhe në PlayStation 5.
Bright Memory Infinite – Kjo lojë është bërë nga një skuadër shumë e vogël. Duke marrë parasysh lojën e parë është e habitshme se si kanë arritur të bëjnë një lojë kaq të mirë. Ajo është një kombinim i një shooteri me përfshirjen e fuqive të mbinatyrshme dhe melee kundër një varieteti të madh përbindëshash.
Dirt 5 – Kjo ishte një ndër lojërat më të bukura që u treguan, por asnjë prej këtyre të fundit nuk i përmbushën pritshmëritë e grafikave për Xbox Series X. Avantazhet e vërteta të sistemit, si loading times më të shpejta, nuk mund të tregohen në livestream ose në trailer. Shumica e këtyre lojërave duken si të gjeneratës së tanishme, por Dirt 5 duhet ta pranojmë që duket super mirë.
Scorn – Në pamje të parë kjo dukej si një lojë e re e Alien. Loja është e errët mjaftueshëm dhe mjaft e dhunshme dhe grafike me seks dhe nuditet në përmasat e duhura. Vallë sa fëmijë mund ta kenë parë këtë livestream në mëngjes gjatë një periudhë kur shkollat janë të mbyllura. Ups.
CHORVS — Një arcade shooter hapësinor me një heroinë të fortë, që praktikisht nuke shikoni kurrë sepse jeni në një anije duke shpërthyer gjëra gjatë gjithë kohës, përfshirë këtu disa alienë, jo aq të çuditshëm sa ata të Scorn gjithsesi.
Vampire The Masquerades Bloodlines 2 — Kjo është një lojë që shumë fansa mezi janë duke e pritur, por traileri mund të kishte qenë pak më interesant. Përgjithësisht ishte thjesht një tjetër trailer misterioz pa shumë gjëra për të thënë nga brenda.
Call of the Sea — Kjo vjen si një lojë e lezetshme. Është e vendosur në 1930 dhe i takon zhanrës aventurë/mister. Ngjarjet ndodhin në një ishull ekzotik.
The Ascent – Traileri fillon si një lojë e stilit Cyberpunk, por së shpejti zbulohet se është një twin-stick shooter. Duket e lezetshme dhe ka gameplay solo ose co-play.
The Medium — Një tjetër lojë horror, këtë rradhë me varietet psikologjik, nga zhvilluesit e Blair Witch dhe Layers of Fear. Kompozitori i Silent Hill, Akira Yamaoka është duke bashkëpunuar me Arkadiusz Reikowski për muzikën.
Scarlet Nexus – Kjo lojë anime e Bandai Namco lidhet e gjitha me të luajturin si një telepatik që po lufton pushtimin e disa bimëve të egra. Si shumë prej këtyre lojërave nuk duket shumë si next-gen, por padyshim që duket gallatë. Përsa i përket gameplay-it kjo kishte një nga prezantimet më të mira.
Second Extinction Reclaim Earth —Një co-op FPS me tre lojtarë e gjitha e lidhur me vënien poshtë të dinosaurëve. Sikur nuk u zhdukën tashmë një herë dinosaurët.
Yakuza Like A Dragon – Like A Dragon është një nga lojërat që do të lançohen bashkë me vetë konsolën e Xbox Series X. Loja vërtet duket mirë. Ju do të jenë një Yakuza i nivelit të ulët që harroheni si i vdekur dhe riktheheni për hakmarrje.
Përtej këtyre u njoftuan dhe lojëra që diheshin që do të vinin si Assassin’s Creed: Valhalla dhe Madden NFL 21. Përgjithësisht lojëra të mira, por nuk kishte asnjë prej tyre që të bënte të thoje me vete: “Wow, më duhet të blej një Xbox Series X”.