Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Xbox thekson një frame rate shumë të lartë
Jemi në një pikë të caktuar me konsolat e gjeneratës s ardhme ku gjërat vërtet po fillojnë të bëhen interesante. Përgjatë muajve të fundit kemi dëgjuar disa detaje mjaft intriguese mbi konsolat e ardhshme nga rivalët e përjetshëm Microsoft dhe Sony, përfshirë këtu premtime për fuqi super të madhe të proçesorit, dizajne në formë V-je, backwards compatibility për lojërat dhe aksesorët etj.
Edhe Xbox Scarlett edhe PlayStation 5 i Sony do të lançohen vitin e ardhshëm, ku periudha e fundvitit të 2020s pritet të jetë momenti real i përballjes së të dyjave. Nëse mendonit se Sony kishte avantazhin, deklarata e bërë nga Xbox do ju kthejë mendjen.
Shefi i Xbox foli në një intervistë për atë që ai mendon se është një nga pjesët më të rëndësishme të konsolës. Aaron Greenberg tha:
“Ne ndjehemi shumë mirë për punën tonë mbi Xbox One X dhe e njejta skuadër që ka ndërtuar atë konsol është gjithashtu duke ndërtuar Project Scarlett. Ajo çfarë shohim sot është një përmirësim masiv në GPU.
Për gjeneratën e ardhshme mendoj se do e shohim këtë përmirësim masiv në CPU, sepse duam të sigurohemi që nuk do të keni ndonjë kompromis me frame rate. Po, mund të bëjmë 4K, por në të njejtën kohë mund të bëjmë edhe frame rate deri në 120.
Mendoj se kjo do të jetë diçka që njerëzit nuk e shohin në kohët e sotshme. Ndërkohë të luajturit në çast, duke eleminuar loading times është diçka që ekziston edhe tani. Nuk do të jetë ndonjë ndryshim masiv.” U shpreh ai duke hedhur një ironi të fuqishme drejt Sony.
Kjo deklaratë gjithashtu shpreh realitetin që ekziston në gjeneratën e tanishme në PlayStation dhe Xbox. Të dyja hardware që janë shumë në rregull me GPU, por kanë mangësi në CPU.
Përsa i përket frame rate-it 120, ky nuk është një konfrimim që të gjitha lojërat e gjeneratës së ardhshme të Xbox do jetë me frame rate 120, pasi kjo varet edhe nga mënyra se si zhvilluesit e përshtasin lojën. Gjithsesi është diçka që Microsoft nga ana e tij e konsideron si të rëndësishme.
Project Scarlett i Microsoft do të lançohet në fundvitin e 2020s. Deri më tani vetëm një lojë është njoftuar që do të vijë bashkë me lançimin e konsolës dhe ajo është Halo Infinite.
