Xbox Scarlett nuk është duke planifikuar VR support, siç po bën PlayStation 5 me PlayStation VR dhe ndoshta PlayStation VR 2, nëse Sony vendos të vazhdojë para me planet e saj në hapësirën e VR. Sipas Phil Spencer, kreu i Xbox, VR nuk do të jetë fare në fokusin e tyre për konsolën e gjeneratës së ardhshme, sepse askush nuk është duke e kërkuar.
VR gaming është ende një treg i butë, që nuk ka treguar shenja të mëdha drejt çarjes përtej bazës së zakonshme të lojtarëve. Për aq kohë sa kjo mbetet e vërtetë, duket se Phil Spencer nuk ka për të shpenzuar resurse në këtë aspekt të gaming.
“Kam disa probleme me VR, ai është izolues dhe unë i mendoj lojërat si një lloj eksperience e përbashkët. Ne po ju përgjigjemi kërkesave të klientëve tanë dhe realisht… askush nuk po kërkon për VR.”
Siç mund ta shihni, jo vetëm që Spencer nuk ka interes të përfshihet në një treg kaq të vogël, por duket se ai as nuk beson fare në këtë teknologji. Gjithsesi, në fund ai e lë një derë hapur për një realitet, ku Xbox i bashkohet idesë së VR, bashkë me konkurentët e tij.
“Ndoshta me kalimin e kohës mund të arrijmë në atë pikë, por për momentin nuk e kemi aty fokusin.”
Do të jetë gjithashtu interesante të shohim nëse Sony do të dyfishojë qëndrimin e tij në VR me një pasardhës për PlayStation VR, apo nëse do të harrojë me kalimin e kohës për ekzistencën e tij, siç bëri me PlayStation Vita.