Scarlett do të jetë shumë më i fortë në çdo aspekt
Scarlett do të jetë shumë më i fortë në çdo aspekt
Sipas një raporti të ri, konsola e gjeneratës së ardhshme të Microsoft, e quajtur Xbox Scarlett Anaconda, do të ketë parametra që janë nga 50% deri në 200% më të fuqishme se Xbox One X.
Ky raport, i cili citon disa burime pranë Microsoft, fokusohet në disa elemente kyç. Fillimisht, Anaconda thuhet se do të ketë një CPU 8 core 3.5GHz. Xbox One X ka gjithashtu një CPU 8 core, por që është 2.3GHz. Së dyti, ndërkohë që Xbox One X ka 12GB GDDR5 RAM ku vetëm 9 mund të përdorej për lojëra, Anaconda pritet të ketë 13GB RAM nga 16GB GDDR6 për lojërat, me pjesën tjetër që ruhet për sistemin operativ. Kjo përputhet dhe me spekulimet e tjera rreth parametrave të Xbox Project Scarlett.
Raporti gjithashtu thekson SSD shumë të shpejtë, për të cilën Microsoft ka folur që prej zbulimit të Scarlett. Anaconda thuhet se do të ketë një SSD NVMe të bërë posaçërisht, e cila pritet të jetë SSD më e shpejtë komerciale. Fillimisht, SSD janë lidhur me portat SATA, ndërkohë që NVMe mundëson lidhjen direkte nëpërmjet portës PCI-e. Në PC, SSD NVMe kanë dyfishin e shpejtësisë së SSD sata. Në konsola, kjo do të sillte heqjen e plotë të loading times në lojëra.
Një prej numrave më të rëndësishëm është gjithashtu dhe më i vështiri për t’u vlerësuar. Xbox Scarlett Anaconda thuhet se do të ketë 12 TFLOPS fuqi, ndërkohë që Xbox One X ka 6 TFLOPS. Megjithatë, kjo nuk do të thotë se Anaconda do të jetë ekzaktësisht dy herë më e fuqishme se Xbox One X.