Ndërsa përdorimi i internetit në të gjithë botën rritet për shkak të efekteve të Coronavirus, kompanitë e teknologjisë janë duke ndërmarrë hapa për të siguruar që shërbimet e tyre të mbeten sa më shumë të pa ndikuara. Shërbime të tilla si videolojërat po shohin nivele rekord të angazhimit, por dy emrat kryesorë, Microsoft dhe Sony, kanë siguruar lojtarët që ata po vëzhgojnë nga afër situatën.
Në një deklaratë të dërguar në Engadget, nënkryetari i korporatës së shërbimeve të produkteve të Xbox, Dave McCarthy tha që kompania “po monitoron në mënyrë aktive përdorimin dhe bën rregullime të përkohshme sipas nevojës për të siguruar përvojën më të mirë të mundshme për lojtarët tanë”. Ndërkohë, në një postim në blog, Drejtori Ekzekutiv i Sony, Jim Ryan tha që PlayStation ishte duke bërë përpjekjet e tij për të “adresuar shqetësimet e stabilitetit të internetit”, duke vënë në dukje se lojtarët në Europë mund “të kenë përvojë disi më të ngadaltë ose të vonuar të shkarkimeve të lojërave, por prapë do të gëzojnë një gameplay konstant”. Nintendo nga ana tjetër, thotë se nuk ka asgjë për të njoftuar ende.
Këto janë periudha të papara për industrinë e teknologjisë, dhe me më shumë njerëz që punojnë nga shtëpia ose përdorin internetin në masë gjatë periudhave të izolimit, stresi i rrjeteve të internetit është duke u rritur. Disa kompani, të tilla si ato të telekomunikacionit si Verizon dhe Telekom, u janë dhënë liritë e përkohshme për të ndihmuar në trajtimin e kërkesës që rritet. Të tjerë, si Netflix dhe YouTube, kanë marrë masa për të ndihmuar në lehtësimin e bllokimeve të rrjetit.