Shërbimi i Microsoft është mjaft popullor edhe në platforma të tjera
Shërbimi i Microsoft është mjaft popullor edhe në platforma të tjera
Fillimisht, duhet të themi se Microsoft nuk publikon më shifrat e përdoruesëve të Xbox Live tek investitorët ose publiku. Kompania i publikonte këto të dhëna që prej 2014 derisa ndaloi pasi pa se rritja e shërbimit po ulej. Megjithatë, ka ende mënyra për të kuptuar se si ka progresuar Xbox Live.
Sipas një statistike të postuar në Reddit, 23.1% e përdoruesëve të Xbox Live janë në Windows. Edhe pse një numër i vogël, ai mbetet ende impresionues, sidomos duke parë se ka më shumë përdorues në PC sesa në çdo platformë tjetër, përjashtuar këtu Xbox One. Me Microsoft që ka si qëllim të rrisë suportin për PC nëpërmjet shërbimeve si Xbox Game Pass, duhet të presim që këto shifra të rriten edhe më shumë.
Shifra prej 23.1%, si dhe statistikat e tjera në këtë grafik, marrin disa gjëra parasysh. Fillimisht, një mostër e rastësishme prej 1.5 milionë llogarish në Xbox Live u morrën nëpërmjet Xbox API. Së dyti, statistikat me shumë mundësi përfshijnë llogari nga i njëjti përdorues në disa platforma. Së treti, përfshihen vetëm llogaritë që nuk janë të fshehura. Si përfundim, numri i përdoruesëve nuk është i njëjti me aktivitetin. Xbox Live mund të përdoret për të hyrë në lojëra si Minecraft ose platforma të tjera si PlayStation.
Duhet të themi se Xbox Game Pass mbetet një sukses. Microsoft ka përfshirë disa lojëra fantastike gjatë muajve, gjë që i ka bërë lojtarët në PC ta përdorin shumë këtë shërbim. Gears 5 dhe The Outer Worlds patën rezultate fantastike. Cuphead gjithashtu pritet të vijë dhe madje edhe Cyberpunk 2077.