Fol për ambicie.
Fol për ambicie.
Tentativat e Xbox për të përmirësuar Game Pass kanë qenë mjaft efektive në 2019. Ky shërbim ka qenë shumë i përhapur në Xbox One dhe është zgjeruar edhe për PC me Xbox Game Pass për PC. Sado që Xbox Game Pass Ultimate ofron një shërbim shumë të mirë për një çmim mjaft të arsyeshëm, qëllimet e Xbox shtrihen edhe më tej në platforma të tjera konsolash, si PlayStation dhe Nintendo.
Në një intervistë, Ben Decker i Xbox, përshkroi zgjerimin ideal të Xbox Game Pass. “Në një pikë do të donim ta shikonim Game Pass në të gjitha platformat,” shprehet Dereck, sado që e pranon se momentalisht Xbox nuk ka asnjë plan specifik për ta arritur këtë. Gjithsesi, “ne do të donim ta shikonim Game Pass kudo.”
Sado që mendimet e Decker janë tepër idealiste, diçka e tillë është e pamundur për 2019. Game Pass është momentalisht i disponueshëm vetëm në platformat e Microsoft, pra Xbox dhe Windows PC. Ideja që Game Pass të vijë në Nintendo ose në konsolën e Sony, ose edhe në PC me sistem Linux ose Apple është shumë e vështirë për tu imagjinuar.
Pikë së pari të gjitha konsolat janë duke eksperimentuar me shërbimet e tyre për momentin. Nintendo ka Nintendo Online, Sony ka PlayStation Plus dhe PlayStation Now dhe Apple do të sjellë Apple Arcade në 2019. Që Xbox Game Pass të vijë në një platformë tjetër, do të duhej që ajo platformë të mos e ofronte vetë një shërbim të tillë.
Gjithsesi, çdo gjë e madhe nis me hapa të vegjël. Të dëgjosh që një anëtar i Xbox ka thënë publikisht se do që të sjellë Xbox Game Pass në platforma të tjera edhe konkurente me të, është realisht e guximshme dhe në një pikë edhe e admirueshme.