Wraith e Apex Legends nuk vrapon më si Naruto

Që nga update-i i fundit, Wraith nuk përkulet më përpara dhe i vë krahët anash ndërsa vrapon shpejt, ashtu siç bëjnë ninja-t në anime. Tani ajo thjesht vrapon..si një person normal. Ndërsa ky ndryshim mund të jetë i tmerrshëm për lojtarët e zakonshëm që i pëlqejnë memet e Apex Legends, komuniteti ka kohë që kërkonte për këtë ndryshim specifik.

Vrapimi i Naruto e bën Wraith të përkulet përpara, gjë që e bën atë më të shkurtër dhe në këtë mënyrë më të vështirë për tu goditur. “Nuk duket si ndonjë gjë e madhe, por e marrë së bashku me hitbox-in e saj tashmë të vogël, është shumë fuqi”, thonë devs në notes zyrtare të update-tit.

“Në këtë patch, ne po prezantojmë një seri të re animacionesh sprinti për Wraith. Këto janë shumë më të drejta dhe ekspozojnë një zonë më të madhe të trupit të saj ndaj të shtënave me armë. Tani ne e dimë që vrapimi i saj i vjetër ishte ikonik dhe ne e urrejmë ta shohim atë të ikë, por ne besojmë se kjo është mënyra më e mirë për ta sjellë atë në linjë pa pasur nevojë të bjë nerf përsëri aftësitë e saj.”