Worlds 2020 do të ndjekë një strukturë të ngjashme me Worlds 2019
Worlds 2020 do të ndjekë një strukturë të ngjashme me Worlds 2019
Pas Worlds 2019 në League of Legends që u zhvillua në tre qytete europiane, Worlds 2020 në Kinë duket se do të ketë një strukturë të ngjashme, me gjashtë qytete të cilat do të përzgjidhen për të zhvilluar turnamentin.
Sipas një raportimi, në gjashtë qytetet kineze do të zhvillohet një fazë e ndryshme e turnamentit. I vetmi qytet i konfirmuar deri më tani është Shanghai, ku do të zhvillohet finalja në stadium 54,000-vendësh Shanghai Stadium. Herën e fundit që Worlds u zhvilluan në Kinë në 2017, Riot arriti të shesë 45,000 bileta për finalen midis SK Telecom T1 dhe Samsung Galaxy, duke mbushur tërësisht Bird Nest Stadium në Pekin dhe duke pasur audiencën më të madhe live të një eventi esports ndonjëherë. 2020 duket se do ta thyejë sërish këtë rekord.
Edhe pse lista e plotë e qyteteve nuk është konfirmuar, mund të themi me siguri se dy prej fazave të Worlds do të zhvillohen në Pekin dhe Guangzhou, dy qytetet e tjera ku u mbajt Worlds 2017. Qytete të tjera kandidate për Worlds 2019 janë Chongqing, ku u zhvillua një Major i Dota 2 si dhe Hangzhou i cili hapi në 2018 “qytetin esports“.
Worlds 2020 do të jetë 10 vjetori i këtij turnamenti, prandaj duket se Riot do të bëjë ç’të mundet për ta bërë këtë turnament spektaklin më të madh të esports ndonjëherë. Siç tha dhe vetë CEO i Riot Games Nicolo Laurent: “Gjëja kryesore që duhet të dini është se vitin tjetër do të bëjmë çmendurira”.
Gjashtë qytetet ku do të zhvillohet Worlds 2020 në Kinë janë numri më i madh i qyteteve ndonjëherë, duke ja kaluar Worlds 2018 që u zhvillua në katër qytete të ndryshme në Korenë e Jugut.
Me Kinën që ka audiencën më të madhe të esports dhe League of Legends në botë, një stadium gjigand të konfirmuar për finalen dhe duke marrë parasysh se do të jetë 10-vjetori i turnamentit, mund të themi me siguri se pritshmëritë janë shumë të larta për Worlds 2020.