Loja shiti mbi 250,000 kopje në Epic Games Store
Loja shiti mbi 250,000 kopje në Epic Games Store
World War Z ka tejkaluar çdo pritshmëri në numrin e shitjeve falë ekskluzivitetit të saj në Epic Games Store, ka thënë zhvilluesi i lojës, Saber Interactive.
Loja kaloi numrin e një milion shitjeve këtë javë dhe sipas statistikave më shumë se çereku i tyre ishin shitur në Epic Games Store. Matthew Karch nga Saber Interactive u shpreh se loja ka shitur mjaft mirë jashtë rajonit të SHBA.
“Përgjithësisht SHBA dhe Europa kanë qenë shumë të përafërta me shitjet. Na habit pjesa që shitjet Europiane kanë qenë më të mëdha se ato amerikane. Në platforma pastaj, shpërndarja e lojtarëve është pak a shumë e barabartë, si për Xbox, si për PS4 si për PC. Në PC specifikisht, performanca e lojës i ka kaluar pritshmëritë tona dhe duhet të falenderojmë mbështetjen e Epic për këtë.”
Një tjetër deklaratë kjo që rrëfen se ndarja me e ulët e fitimeve të Epic në krahasim me Steam, po i ndihmon më shumë zhvilluesit. World War Z është ekskluzive e Epic në platformën e saj PC. Loja u lançua në 16 prill të këtij viti, për PC, PS4 dhe Xbox One.