Ka ardhur prapë koha për lojëra falas në PC falë Epic Games Store dhe platforma vërtet që na ka surprizuar të gjithëve me përzgjedhjen e kësaj jave. Epic do të japë falas një nga lojërat më të mëdha ekskluzive të saj: World War Z. Lojës gjithashtu i bashkohet falas Figment dhe Tormentor X Punisher.
Mund t’i merrni të treja lojërat falas nga faqja e Epic Store që tani. Kjo ofertë do të zgjasë deri në 2 prill në orën 8:00 PDT / 11:00 EDT / 16:00 BST. World War Z është një nga lojërat më të mira të Epic Store, ndaj ndajeni këtë artikull me miqtë e tjerë, sepse të gjithë duhet të përfitojnë nga kjo ofertë.
Figment pastaj vjen nga Bedtime Digital Games dhe ofron aksion dhe aventurë me elementin e dizajnit të vizatuar me dorë. Ju do të futeni në një botë të ndërtuar nga ndërgjegjia njerëzore dhe do të luftoni makthet që përpiqen t’ju mbajnë aty.
Përshkrimi i Tormentor X Punisher hapet me: “welcome to Planet Fuck You”. Mund të themi që kemi tonalitete goxha kontrastuese këtë javë. TxP është një shooter ku çdo gjë vdes me një goditje, ndaj duket gallatë.