Ja se si të merrni falas skin-in më të ri të Fortnite
Ja se si të merrni falas skin-in më të ri të Fortnite
Skin-i Wooly Warrior në Fortnite mbyll festimet e Winterfest dhe lojtarët do të kenë mundësi ta marrin atë falas në lojë. Në fakt, ky nuk është sikin-i i parë falas që jepet gjatë Winterfest. I pari ishte skin-i Lt. Evergreen, të cilët lojtarët patën mundësi ta merrnin falas pak më herët gjatë eventit.
Wooly Warrior do të jepet falas si dhurata e fundit gjatë Winterfest. Të gjithë menduan se ky skin ndodhej në dhuratën e fundit që nuk mund të hapej dhe dukej se kishin të drejtë. Në varësi të mënyrës se si i hapnit dhuratat, mund ta kishit marrë me anë të një glitch-i në 28 dhjetor, por megjithatë pjesa tjetër duhet të prisnin edhe dy ditë.
E vetmja gjë që duhet të bëni është të hapni dhuratën e madhe jeshile. Kur ta bëni këtë, do ta gjeni skin-in në inventarin tuaj. Pavarësisht çdo gjëje, nëse futeni në lojë përpara mbarimit të këtij eventi, do të keni mundësi ta merrni skin-in falas.
Ajo që e dallon Wooly Warrior nga Lt. Evergreen është fakti se ka më shumë ndjesi dimri, ndërkohë që Lt. Evergreen është një skin që i përshtatet më shumë festave të fundvitit.
Edhe nëse nuk do e përdorni këtë skin, nuk keni pse i thoni jo një dhurate falas. Ju mund t’i hapni dhuratat edhe nëse nuk keni luajtur gjatë të gjithë Winterfest, prandaj keni ende kohë për të marrë dhuratat. Winterfest pritet të mbarojë në 6 janar, prandaj keni ende pak kohë për ta marrë këtë skin.