The Witcher do të marrë një seri të re Comics

Season 2 i The Witcher ja ka filluar që tashmë nga puna. Lajme si përzgjedhja e Kim Bodnia për të luajtur Vesemir vazhdojnë të përfliten, duke vërtetuar se sa popullore e ka bërë seriali i Netflix prodhimet e The Witcher në përgjithësi. Gjithsesi The Witcher ka parë suksese të tjera që përpara ardhjes së tij në një shërbim streaming, përmes lojërave nga CD Projekt Red dhe comic books nga Dark Horse Comics.

Tani Dark Horse do të sjellë një tjetër seri comics të The Witcher të quajtur: The Witcher: Fading Memories. Ato do të publikohen në katër pjesë, duke nisur që nga  17 qershori i 2020s. Në Fading Memories, Geralt of Rivia do të hetojë një seri zhdukjesh që kanë ndodhur në qytetin e Towity prej kërcënimeve të përbindëshave.

Fading Memories po shkruhet nga skenaristi polak Bartosz Sztybor, që është mëse i njohur në botën e Comics dhe po vizatohet nga ilustratori iranian Amad Mir.

Bën shumë sens që Dark Horse po sjell më shumë material të lidhur me The Witcher në këto momente, mbi të gjitha kur merr parasysh se sa mirë ka ecur adaptimi në Netflix i serialit. Ky i fundit e dominoi internetin prej muajsh, pasi sezoni i parë doli në dhjetorin e 2019s. Një pjesë të mirë të këtij popullariteti duhet të pranojmë se erdhi falë këngës fantastike “Toss a Coin to Your Witcher.”

Me një datë momentalisht të paditur për lançimin e Season 2 në Netflix, comics-at e Dark Horse, që do të vijnë në verë, kanë për ti ngushëlluar pak fansat.