The Witcher i Netflix ka qenë një sukses i paparë për platformën, e cila vazhdon të grumbullojë shumë shikime prej serialit. Teksa sezoni i dytë po përgatitet për të përfshirë personazhe të rinj në universin e The Witcher, duket se Ciri gjithashtu ka disa përgatitije për të bërë. Kjo sipas një fotoje të postuar në instagramin e aktores Freya Allan.
Fotoja tregon një shpatë skenike në makinën e saj me etiketimin “diva” sipër. Kjo nuk është tamam diçka e habitshme për ata që janë të njohur me botën e krijuar nga autori polak Andrzej Sapkowski, ose adaptimit të librave të tij në videolojërat e CD Projket Red. Gjithsesi fansat e çmendur të The Witcher vunë shpejt në dukje se Ciri mund ta përdorë këtë armë për tu stërvitur me Geralt në një fortifikim të quajtur Kaer Morhen, siç i referohen edhe personazhet në lojën The Witcher 3: Wild Hunt.
Kaer Morhen është një mal në të cilin witchers (si komunitet njerëz-përbindësha) trajnoheshin. Ai ende përdoret nga figura si mentori i Geralt, Vesemir, i cili së shpejti do të marrë një film të Netflix të quajtur: The Witcher: Nightmare of the Wolf.
Duke marrë parasysh se sezoni i dytë i serialit të Netflix do të xhirohet përgjatë gjithë Europës, padyshim që Kaer Morhen do të ilustrohet në një mënyrë tepër të realizuar. Është raportuar se disa nga vendet ku do të mbahen xhirimet e The Witcher janë: Skoci, Anlgi, Republika Çeke dhe Sllovakia. Pra do të ketë plot kështjella ku Cavill dhe Allan do të mund të bëjnë praktikën e tyre.
Nëse seriali do i çojë personazhet e tij në Kaer Morhen, do të shfaqen edhe më shumë mundësi në linjën historike për prezantimin e witcher-ave të tjerë si Eskel dhe Lamber. Sezoni i dytë i The Witcher do ta ketë premierën në 2021.