Ai e njihte Geralt nga lojërat dhe pastaj nga librat.
Ai e njihte Geralt nga lojërat dhe pastaj nga librat.
Krahas të qenurit protagonist i The Witcher në Netflix dhe ndoshta personaliteti më i pashëm në Hollywood, duket se Henry Cavill është gjithashtu një anëtar besnik i gaming në PC.
Në një intervistë të bërë së fundmi, Cavill u pyet nëse kishte luajtur ndonjë nga lojërat e The Witcher për tu përgatitur për rolin e tij dhe ai e pranoi se ishin lojërat ato që e prezantuan me të gjithë universin e The Witcher.
“Po, në fakt i kam luajtur videolojërat përpara se të lexoja librat. Kujtoja se librat bazoheshin te lojërat, sepse sa herë që shikoja një libër të The Witcher, gjithmonë kishte kopertinën artistike të lojërave. Pasi u takova me producenten, ajo më tha për librat dhe më pas i lexova që të gjithë. Kam qenë një fans i kësaj zhanre që kur kam qenë i vogël, ndaj për mua ishte kënaqësi e vërtetë ti lexoja.”
Kjo nuk na çudit shumë në fakt, sepse Cavill është një gamer i thekur, që ka pranuar se ka luajtur World of Warcraft dhe Half-Life në të shkuarën. Ai gjithashtu ka thënë se ka shpenzuar shumë para në të shkuarën për Total War: Warhammer 2.
“Babi më ka futur në rrugën e PC gaming, kur isha shumë i vogël. Nuk kam mundur ende të ndërtoj PC tim. Kam patur disaPC përgjatë viteve. Ky do të jetë një nga projektet e mia të ardhshme. Në momentin që do të kem mjaftueshëm kohë dhe guxim, do ndërtoj PC tim.”
Do të hamendësojmë që Cavill është pak i zënë për të ndërtuar një kompjuter PC së shpejti, por ku i dihet, prioritetet e tij janë pak më të ndryshme se shumica e yjeve të Hollywood-it.
Sezoni i parë i The Witcher në Netflix është i disponueshëm për tu bërë stream që tani.