Season 2 do të sjellë Cirin që njohim të gjithë.
Season 2 do të sjellë Cirin që njohim të gjithë.
The Witcher është në një pikë shumë interesante tani që është në prag të sezonit të dytë. Tashmë që të tre linjat e personazheve janë kryqëzuar me njëra-tjetrën, fansat kanë qenë kuriozë të shohin se si Geralt, Yennefer dhe Ciri do e formojnë atë “familjen” e tyre, mbi të gjitha duke konsideruar se sa herët është Ciri në udhëtimin e saj. Sipas Lauren Hissrich, në Season 2, Ciri do të fillojë të transformohet gradualisht në luftëtaren që njohin të gjithë.
“Në Season 2 do të thellohemi më shumë në personazhin e saj dhe do ta kuptojmë atë edhe më shumë. Pjesa ku ajo fillon stërvitjen, ku bëhet realisht personazhi që njohim nga lojërat dhe librat, do e shohim të bëhet ai lloj personi. Por nuk ka për të ndryshuar sa hap e mbyll sytë. Nuk duam që ajo të harrojë se nga vjen.”
Sado që përzgjedhja e Freya Allan si Ciri nuk u prit shumë mirë nga fansat fillimisht, thuajse të gjithë e kanë ndryshuar opinionin për të pasi e panë në seritë e sezonit të parë. Me ardhjen e sezonit të dytë personazhi i Ciri ka për tu bërë edhe më i dashur nga fansat.