WhatsApp po punon për të suportuar disa pajisje njëherësh

Gjithashtu po zhvillohet edhe WhatsApp për iPad

Sipas raportimeve të fundit, WhatsApp po punon për të suportuar disa pajisje njëherësh, ndërkohë që historia e chat-eve do të sinkronizohet ndërmjet tyre. Thuhet se WhatsApp po teston mundësinë e përdorimit të një llogarie në disa pajisje të ndryshme, përfshirë këtu dhe një aplikacion të veçantë për iPad.

Ju momentalisht mund të përdorni disa llogari njëherësh nëpërmjet WhatsApp Web. Problemi këtu qëndron tek fakti se për të përdorur WhatsApp Web duhet që telefoni juaj të jetë i lidhur me internetin, por WhatsApp ka si qëllim të bëjë të mundur përdorimin e aplikacionit pa patur nevojë që telefoni juaj të jetë online.

Veçoria e re e suportimit të disa pajisjeve ka muaj që përflitet dhe me shumë mundësi përfshin sinkronizimin e chateve, duke i lejuar përdoruesit të sinkronizojnë mesazhet në platforma të ndryshme. Sipas raportit, WhatsApp do të lançojë aplikacionin për iPad sapo kjo veçori të jetë gati.