Watch_Dogs 3 do të lançohet këtë vit dhe do të vijë plot përmirësime

Loja do të sjellë selektimin e gjinisë së personazhit dhe përmirësim në sistemin parkour.

Ka kaluar goxha kohë që nga lançimi i Watch_Dogs 2 dhe duket se Ubisoft po punon fort me Watch_Dogs 3, i cili supozohet të publikohet përpara mbylljes së këtij viti.

Së fundmi janë zbuluar informacione të reja për Watch_Dogs 3. Hyrja e re në këto seri do të vendoset në Londo dhe ndër shumë tipare të reja, do të sjellë aftësinë e të zgjedhurit të gjinisë së personazhit kryesor si në Assassin’s Creed Odyssey si edhe një përmirësim në sistemin parkour.

Ky informacion nuk është i konfirmuar dhe nga Ubisoft shprehen se nuk dëshirojnë të merren me komente në thashetheme ose spekulime.

Watch_Dogs 3 do të lançohet brenda këtij viti në PC dhe konsola. Në momentin që do të kemi më shumë të dhëna do ju informojmë rreth tyre.