Pamjet e para të gameplay-it të Wasteland 3 u zbuluan gjatë transmetimit të mbrëmshëm të Microsoft X019. Videoja tregoi mjediset e mbuluara me dëborë të Colorado, ku një skuadër e Desert Rangers është vënë në kërkim të një anëtari të tyre dhe gjithashtu solli edhe një datë lançimi për lojën. Mund të presim që Wasteland 3 të vijë në 19 maj.
Colorado është një mjedis shumë më i ndryshëm në krahasim me terrenin e lojë së mëparëshme, por në thelb gameplay mbetet i njejtë: Gjashtë personazhe përpiqen të ruajnë rregullin në një botë që është shkatërruar nga lufta nukleare.
Loja është një stil old-school i RPG. Paraardhësja e saj ishte e vlerësuar mirë nga kritika, ndaj fansat kanë shumë shpresa për Wasteland 3. Gjithsesi, nuk do të jetë nevoja që ta keni luajtur më parë për t’ja kapur thelbin, pasi Brian Fargo, CEO, tha gjatë shfaqjes se loja e re është e veçuar tërësisht nga të tjerat.
Wasteland 3 është e disponueshme që tani për pre-purchase në Steam. Edhe traileri i saj duket goxha mirë. Hidhini një sy mëposhtë.