Quads në vetëvete është mirë, por shumë lojtarë nuk janë të kënaqur që është hequr Trios.
Quads në vetëvete është mirë, por shumë lojtarë nuk janë të kënaqur që është hequr Trios.
Sezoni i tretë i Call of Duty: Modern Warfare ka filluar, me një battle pass të ri, një hero të ri dhe një mode Quads për battle royale-in Warzone. Siç sugjeron edhe vetë emrin, Quads i bashkon lojtarët në skuadra me nga katër në vend të tre. Ky mode nuk ka ecur shumë mirë në sytë e fansave gjithsesi, sepse nuk është ofruar si shtesë pas Trios, por e ka zëvendësuar atë plotësisht.
“Sezoni i tretë i Warzone solli Quads, një kthesë interesante në Battle Royale, që shton nga një anëtar skuadre. Një person i katërt mund të mos duket si shumë, nëse nuk merr parasysh se shtohet më shumë firepower në çdo skuadër dhe se situatat 1v4 janë shumë më të frikshme se ato 1v3,” shpjegoi Activision. “Të kesh një operator shtesë ka për të bërë edhe Contracts më të thjeshta.”
Gjithsesi reagimi i subreddit të CODWarzone nuk ka qenë shumë entuziast. Shumë threads kërkojnë rikthimin e Trios dhe disa përdorues edhe kanë hiperbolizuar duke thënë se ky është vendimi më i keq i marrë ndonjëherë. Postimi që ndodhet momentalisht në krye të subreddit-it i pyet zhvilluesit se përse do shtonin një mode të ri dhe të hiqnin një që tashmë ishte. Ka mbi 10,000 upvotes.
Disa redditora të tjerë pastaj kanë vënë në dukje se shtimi i disa modeve sjell vështirësi në plotësimin e lojës. Sa më shumë mode të jenë të disponueshme, aq më shumë lojtarë të duhen që ti mbash të gjitha të zëna. Warzone gjithsesi duket të jetë duke ecur mjaft mirë në ditët e saj të para. Activision njoftoi në mars se loja kishte arritur 30 milionë lojtarë, vetëm 10 ditë pasi ishte lançuar.
Activision nuk ka thënë gjë nëse Quads do të qëndrojnë përgjithmonë në Warzone, apo janë këtu sa për sezonin. Mbetet të presim dhe të shohim.