Sado që Call of Duty: Warzone mbart brenda saj një numër të konsiderueshëm veçorish të veçanta, disa lojtarë po sugjerojnë se Infinity Ward duhet të marrë pak nga Apex Legends, përsa i përket pjesës së dropit në Verdansk.
Të hidhesh për në Verdans mund të jetë rraskapitëse për pjesën më të madhe të lojtarëve. Të zgjedhësh se ku duhet të shkosh nga një listë e pafundme vendndodhjesh është e vështirë mjaftueshëm. Shtoji kësaj dhe tantativën për të orkestruar një rënie të sinkronizuar me shokët e skuadrës dhe gjërat duken edhe më të pamundura.
Apex Legends nga ana tjetër e shmang këtë problem me një hedhje të të gjithë skuadrës bashkë. Në thelb, një anëtar i një skuadre zgjidhet rasësisht si Jumpmaster, duke marrë kontroll për vendin ku do të hidhet skuadra dhe për rrugën që do të bëjnë të gjithë ata në qiell.
Lojtarëve ju jepet mundësia të shkëputen nga tufa, por prapëseprapë ata zakonisht ulen në të njejtin vend, duke i mposhtur armiqtë me të cilët përballen si një skuadër, jo individualisht. Për këtë arsye një lojtar i Warzone ka kërkuar që kjo veçori të shtohet në lojë dhe komuniteti ka qenë mëse dakord me të.